Голосование
Мы рады, что вы наш гость и решили познакомиться с жизнью учреждения. Нам интересно и полезно знать ваше мнение о содержании информации сайта.
Всего 43 человека
Голосование
Чем вы предпочитаете занять своего ребенка вечером в будний день?
Всего 19 человек

“Край родны і сэрцу дарагі. «Дзень Роднай мовы».

Дата: 15 февраля в 22:20, Обновлено 16 февраля в 07:05
Автор: Дудко Н. Ю.
55 просмотров

“Край родны  і сэрцу дарагі» ...

Пад   такой   патрыятычнай   назвай   тэматычнага   тыдня  на працягу некалькіх дзён па старонках роднага краю - Беларусі - будуць падарожнічаць выхаванцы нашай установы адукацыі"Васілёк" .

Тыдзень прымеркаваны святкаванню Дня роднай мовы!

На працягу ўсяго часу нашы педагогі з мэтай фарміравання ў дзяцей дашкольнага ўзросту ўстойлівага цікавасці і станоўчага стаўлення да беларускай мовы, жаданне авалодаць беларускай мовай, выхавання асноў нацыянальнага светапогляду, любові да Радзімы, беражлівых адносін да айчыннай духоўнай і культурнай спадчыны, гонару за свой самабытны народ; развіцця пазнавальнай актыўнасці будуць праводзіць розныя мерапрыемствы (гутаркі, народныя гульні, Чытанне беларускіх народных казак, гульні-інсцэніроўкі , драматызацыі, выяўленчая дзейнасць, выстава, забавы для дзяцей старэйшага ўросту.

Наша родная мова самая прыгожая і вельмі мілагучная. Яна - нібы спеў салаўя, нібы звон капелі ранняй вясной, нібы гук сярпа ў полі; яна цёплая, як матуліна пяшчота!

Васількі
А ў нашым у садочку
Падрастаюць васілёчкі,
Гэта нашы дзеткі -
Васілёчкі-кветкі.
Усе маленькія дзяўчынкі -
Прыгажуні-Васілінкі,
Ну, а нашы хлапчукі -
То гарэзы-Васількі.

Тут гуляюць і спяваюць,
Кніжкі добрыя чытаюць,
Тут навучацца мірыцца
І цукеркай падзяліцца,
Тут ім казачку падушка
Шэпча ў ціхі час на вушка...

Добра тут сынкам і дочкам:
Васілінкам-Васілёчкам.

А ў нашым у садочку
Расцвітаюць васілёчкі.
Як прыгожа расцвітуць -
Шпарка ў школу пабягуць.
Садзік пасумуе крышку,
Але прыйдуць зноў малышкі -
Будуць падрастаць ў садочку
Карапузы-васілёчкі.

Расцвітайце, нашы дзеткі -
Беларусі роднай кветкі! 

Роднае слова… Яно ўваходзіць у наша жыцце з вуснаў маці яшчэ з маленства. Добрай традыцыяй па захоўванні багацця нацыянальнай культуры, фарміраванні любові да роднай мовы стала правядзенне ў дзіцячым садку Дня беларускай моы. Кожны чацвер ў нашым садку "Васілек"гучыць беларуская мова не толькі на занятках, але і ў гульнях, казках, зносінах. Ўсіх у гэты дзень сустракаем усмешкай і родным словам. 

Скарбы мовы, скарбы пазнання, скарбы навакольнага свету расчыняюцца тым, хто шчыра любіць і глыбока вывучае родную мову, літаратуру, культуру.

Паважаныя бацькі, дапамажыце нам далучыць дзяцей да роднай, беларускай мовы! Давайце разам падумаем, як захапіць дзіця, каб яму захацелася вывучыць родную мову.

Хтось, магчыма, не вывучаў мову ў школе ці не карыстаецца ёю ў жыцці, пакуль ведае абмежаваную колькасць слоў, але ж хоча узбагаціць слоўнікавы запас і зацікавіць астатніх. Дзесь ці ж трэба пачынаць!

Напрыклад, пачніце з прывітання ці развітання па-беларуску. Да ўніверсальных вітанняў належаць: вітаю, прывітанне, здрастуйце, добрага здаровейка. Ці вітальныя выразы ў дачыненні да часу: добрай(-ае) раніцы,   дабранак, добры дзень (дзянёк), добры вечар (вечарок), добрай ночы (ночкі). Формы развітання: да пабачэння, да сустрэчы, да скорага, шчасліва заставацца, заставайцеся здаровыя, бывайце здаровыя, шчаслівай дарогі або лёгкай дарогі.

Ветлівасць

Ветлівымі словамі дарослыя і дзеці карыстаюцца амаль штодня. Давайце праверым свае веды і пакажам прыклад ветлівых паводзін дзецям:

Дзякуем

Сардэчна дзякую! Я ўдзячны (удзячна) Вам! Дзякуй за дапамогу! Дзякуй за ўсё!

Просім прабачэння

Прабачце, калі ласка! Я прашу прабачэння! Вельмі шкадую, што нарабіў Вам клопату. Не сярдуйце, так атрымалася. Даруйце, мне вельмі непрыемна.

Радуемся

Вельмі добра! Цудоўна! Выдатна! Вось здорава! Якое шчасце! Вось гэта навіна! Мне вельмі прыемна! Я задаволены (задаволена)! Вы мяне ўзрадавалі! Мне гэта даспадобы! Гэта самая шчаслівая хвіліна ў маім жыцці! Я вельмі рады (рада)!

Жадаем

Жадаю шчасця! Каб Вы здаровы былі і радаваліся! Хай Вас Бог беражэ! Хай Вам шчасціць! Хай будуць здаровы Вашы родныя! Расці дужы (дужая) ды вялікі (вялікая)! Хай здзейсняцца ўсе спадзяванні! Бывайце здаровы, жывіце багата! Добрай дарогі! Хай усё будзе добра! Хай Вам лёс не здрадзіць!

Імёны

Для бацькоў імя сына ці дачкі — самае пяшчотнае і мілагучнае. Кожнае дзіця любіць, каб да яго звярталіся неяк асабліва. Камусьці падабаюцца памяншальныя ласкавыя формы імя, камусьці — толькі поўныя. Дзецям будзе цікава на некалькі хвілін акунуцца ў мінулае нашай краіны і даведацца, якія імёны існавалі раней.

 Прапануем Вам беларускія сайты

па адукацыі, выхаванні і развіцці нашых дашкалят!

"Вясёлка" - часопiс для дзяцей i iх бацькоў

http://www.veselka.by

"Буся" - чытанка-маляванка для дашкольнікаў

http://www.veselka.by

Народныя казкі для дзетак ад ЮНІСЕФ

https://kazki.unicef.by

Вершы.ru - нацыянальны паэтычны партал, на якiм вы знойдзеце вершы для дзяцей на беларускай мове.

http://www.vershy.ru/category/vershy-dlya-dzyatsei

Казкi беларускiя

http://kazki.by

 Выказванні і вершы пра Радзіму і беларускую мову

Люблю цябе такой, якая ёсць,

Зямля мая, зямля бацькоў святая, —

Мая слязінка — са святла наскрозь,

Маё прычасце, мой святлісты лёс…

З табой і паміж бедаў я світаю.                                      

Якуб Колас: "Ніякае багацце людзей не бывае даражэйшым за іх родную мову."

Янка Купала: "Магутнае слова, ты, роднае слова! Са мной ты на яве і ў сне, душу мне затрэсла пагудкаю новай, ты песень наўчыла мяне".

Іван Мележ: "Мова — гэта вялікі народны скарб. Яе нельга не паважаць, як нельга не паважаць родны народ."

Змітрок Бядуля: "Не саромся, беларус, гаманіць па-свойму — на роднай мове бацькоў і дзядоў сваіх. Шануй сваю мову, шануй свае песні, свае казкі, звычаі і ўсё роднае — гэта спадчына дзядоў і вялікі нацыянальны скарб. Толькі тады цябе ўсе будуць шанаваць як чалавека, калі сам сябе будзеш шанаваць — калі не адкінеш свайго нацыянальнага ўласнага багацця. А першы скарб нацыянальны — гэта родная мова."

Комментарии:
Оставлять комментарии могут только авторизованные посетители.